Формула 1 креира услови за прекрасни болиди од следната генерација, вели техничкиот директор на Ферари, Џејмс Елисон, кога зборуваше за новите правила од 2017 година. Формула 1 под притисок на доминацијата на Мерцедес, од следната година ќе имаат големи промени на аеродинамичките правила, додека Пирели ќе достави пошироки и поголеми гуми.
„Направивме мал чекор напред со отстранувањето на грдите носови на болидите од пред неколку години. Сега, правилата за следната година се свесен напор да се направат неверојатно брзи и прекрасни болиди. Пропорциите се фасцинантни и ние кои имавме среќа да ги видиме првите болиди како се раѓаат знаеме колку се прекрасни“, изјави Англичанецот во интервју за „Газета дело спорт“.
Болидите во 2017 ќе бидат пошироки со пониско и пошироко задно крило, во обид да се зголеми надолната сила, но правилата дефинитивно се пишувано со желба да се поправат грешките од последните години.