Возачот на Мерцедес Луис Хамилтон од пол-позицијата ќе ја стартува утрешната трка за ГН на Велика Британија во Силверстоун.
Хамилтон беше подобар од Нико Розберг кој што квалификациите ги заврши на втората позиција, додека третото место му припадна на Даниел Рикиардо.
Квалификациите беа во прекин цели 17 минути поради судирот на возачот на Заубер Маркус Ериксон. Швеѓанецот веднаш беше пренсен во болница откако неговиот болид настрада по една кривина пред самиот влез во пит-стопот. Проблеми во квалификациите имаше и Себастијан Фетел кому му откажа менувачот. И покрај тоа, Германецот утре ќе ја стартува трката од петата позиција.
Во вкупниот пласман, Нико Розберг води со 153 поени, 11 повеќе од вторпласираниот Луис Хамилтон, додека третото место го делат Фетел и Раиконен со ист број на поени 96