Апсолутната доминација во текот на целиот викенд Луис Хамилтон ја заокружи со триумф на Големата награда на Велика Британија. Хамилтон, кој ја имаше поддршката од домашната публика, беше доминантен на патеката Силверстоун и на крајот заслужено се искачи на највисокото место на пиедесталот. Дека е апсолутен фаворит за победата Британецот покажа и откако беше најдобар во сите три петочни тренинзи, а на саботната борба за пол-позицијата повторно извозе најбрзо време.
СТАРТОТ СО БЕЗБЕДНОСНО ВОЗИЛО
Традиционално за Велика Британија дождлива патека ги пречека возачите пред стартот. Дождот на некои делови направи и вирови со вода, па организаторите решија стартот да биде во придружба на безбедносното возило. Тоа беше на патеката во првите шест круга, а откако патеката почна да се суши, почна и вистинската трка.
Хамилтон и во вакви услови на патеката, не дозволи да излезе од ритам. Во текот на целата трка ја имаше контролата на лидерската позиција. На крајот со предност од шест секунди пред тимскиот колега Нико Розберг, ја помина стартно-целната линија. Актуелниот светски првак Розберг се обиде да го притисне Хамилтон, но Британецот не му дозволи на Германецот да се доближи и да не се случи инцидент како што тоа беше минатата недела. Тогаш двајцата тимски колеги се судрија, а Розберг кој беше лидер на крајот мораше да заврши на четвртото место.
ВЛЕГУВА ВО ПОБЕДНИЧКИ РИТАМ
За Хамилтон ова беше четврта победа на последните пет трки сезонава. Откако беше најдобар во Монако, потоа победи во Канада, а втор заврши за ГН на Европа. Пота во контроверзната трка се радуваше во Австрија, а сега и во Велика Британија повторно е најбрз.
Пред домашните навивачи, Хамилтон има посебна инспирација и мотивација да победува. за него ова беше трета победа во низа, а вкупно четврта во кариерата на Силверстоун. „Многу сум благодарен на навивачите. Тука се најдобрите навивачи. Традиционалното англиско време се појави токму за време на трката. Условите не беа најдобри за возење, но најважно од сѝ е тоа дека обожавам да се тркам на оваа патека. Секогаш ми носи радости“, рече Хамилтон по победата.
Со овој триумф Хамилтон се израмни со Најџел Менсел, кој исто така во кариерата се радувал на четири победи на Силверстоун. Рекордер на оваа патека со пет радост останува да биде легендарнито Џими Кларк. Следната сезона секако тоа ќе биде новиот мотив на Хамилтон да се обиде повторно да биде најдобар.
САМО ЧЕТИРИ БОДА ЗАД ЛИДЕРОТ РОЗБЕРГ
Ситуацијата во генералниот пласман сега е уште понеизвесна. Хамилтон со новите 25 бода се доближи само на четири поени негатива зад лидерот Розберг. Со троцифрен број на бодови досега се само уште и Кими Раиконен (106) и Даниел Рикиардо (100), но сепак многу веројатно е дека само двајцата возачи на Мерцедес ќе останат во шампионска трка.
Следфното возбудување во Ф1 шампионатот ќе биде на 24 јули, на патеката Хунгароринг во Будимпешта, за големата награда на Унгарија.
РЕЗУЛТАТИ ОД ТРКАТА ВО СИЛВЕРСТОУН
Возач Тим Време
Луис Хамилтон (ВБр) Мерцедес 1:34:55,831
Нико Розберг (Гер) Мерцедес +6,911
Макс Верстапен (Хол) Ред Бул 8,250
Даниел Рикиардо (Аус) Ред Бул 26,211
Кими Раиконен (Фин) Ферари 1:09,743
Серхио Перез (Мек) Форс Индија 1:16,941
Нико Хулкенберг (Гер) Форс Индија 1:17,712
Карло Сајнц (Шпа) Торо Росо 1:25,858
Себастијан Фетел (Гер) Ферари 1:31,654
Даниел Квијт (Рус) Торо Росо 1:32,600
Фелипе Маса (Бра) Вилијамс 1 круг
Џејсон Батон (ВБр) Мекларен 1 круг
Фернандо Алонсо (Шпа) Мекларен 1 круг
Валтери Ботас (Фин) Вилијамс 1 круг
Фелипе Наср (Бра) Хас 1 круг
Кевин Магнусен (Нор) Рено 1 круг
ГЕНЕРАЛЕН ПЛАСМАН - ВОЗАЧИ
Возач Тим Поени
Нико Розберг (Гер) Мерцедес 171
Луис Хамилтон (ВБр) Мерцедес 167
Кими Раиконен (Фин) Ферари 106
Даниел Рикиардо (Аус) Ред Бул 100
Себастијан Фетел (Гер) Ферари 98
Макс Верстапен (Хол) Ред Бул 87
Валтери Ботас (Фин) Вилијамс 54
Серхио Перез (Мек) Форс Индија 47
Фелипе Маса (Бра) Вилијамс 38
ГЕНЕРАЛЕН ПЛАСМАН - КОНСТРУКТОРИ
Тим Поени
Мерцедес 338
Ферари 204
Ред Бул 195
Вилијамс 92
Форс Индија 73
Торо Росо 41
Мекларен 32
Хас 28
Рено 6
Манор 1