Возачот на Мекларен, Џенсон Батон би се обложил дека неговиот поранешен колега Луис Хамилтон ќе биде шампион и оваа сезона и покрај тесната битка на Хамилтон со колегата од Мерцедес, Нико Розберг, во која тие се разделени на само 2 поени на седум трки пред крајот.
„Лично мислам дека Луис ќе биде шампион. Тој се врати од голема негатива и ја надополни разликата за само три трки. Кога болидот му функционира добро, тој е попостојан возач и ментално е многу силен. Најверојатно тој ќе ја освои четвртата титула“, вели Батон, кој неодамна потврди дека нема да се трка во 2017.