Нико Розберг ќе го брка само вториот пласман на подиумот во Сингапур и прв за Мерцедес овој викенд на патека на која смета дека најсилни ќе бидат нивните ривали од Ред Бул.
По фантастичната победа во Монца и „неверојатното чувство“ на подиумот во Италија, Германецот вели дека очекува многу помалку на уличната трка под рефлектори во Сингапур. Германецот беше на подиумот во Сингапур во 2008 како возач на Вилијамс како второпласиран зад Фернандо Алонсо, но по проблемите кои Мерцедес ги имаше на патеката лани, вели дека ќе биде многу тешко да се направи реприза.
„Ќе се сеќавам секогаш на тој подиум во Монца. Но, сега фокусот е кон Сингапур, трка на која не сме најдобри. Во 2008 го имав вториот подиум во кариерата таму, но оттогаш не сум бил на подиумот и тоа е првата цел. Нема да биде лесно. Ова е патека за Ред Бул и го знаеме тоа. Лани бевме многу слаби, но верувам дека проблемите се надминати. Сингапур е кул-град и одлично место за Формула 1. Патеката изгледа спектакуларно и секогаш е интересно таму“, вели Розберг.
И светскиот шампион Луис Хамилтон очекува Мерцедес да има сериозна конкуренција во Ред Бул и Ферари во текот на викендот
„Нема да биде воопшто лесно. Дури и кога победивме во 2014 беше многу комплицирано. Лани го имавме можеби најлошиот викенд во Сингапур и се надевам дека тоа е надминато. Ќе дознаеме наскоро“, вели Хамилтон.
Тој има предност од само два поена пред својот колега Нико Розберг, кој победи на последната трка во Италија, каде што Британецот се избори за второто место по паѓањето на шестото место во првиот круг.
„Монца не заврши според планот, но сепак сум во феноменална позиција. Водиме во двата пласмани и сè уште има многу работи кои можеме да ги направиме до крајот на сезоната“, вели Хамилтон.