Новите сопственици на Формула 1, „Либерти медија“ мораат да пронајдат начин и да ја направат серијата привлечна за младата генерација како што е играта „Покемон Гоу“, вели поранешниот Ф1 шампион, Џенсон Батон. Пред трката во Сингапур, Батон на новинарите им покажа снимка на голем број млади луѓе како ја играат Покемон играта.
„Возраста на просечниот фан е превисока за серија во која имаме 18-годишник на стартот. Мислам дека просекот е 30, рани 40. Тоа мора да се смени и мора да се оди на помладите гледачи. Ова беше минатата вечер во шопинг-центарот, и сите одеа на ист начин. Зошто? Покемон. Имаше можеби 2.000 луѓе кои одеа во една насока. Не го сфаќам тоа. Дали добивате пари? Подароци, чоколади? Дајте, Формула 1 не е поинтересна од тоа?“, тврди Батон.