Шеста „оф роад“ авантура на БистраШестото издание на џип турнејата „Убавините на Бистра“ го потврди епитетот едно од најмасовните и најдобри кај нас. Со учество на повеќе од 200 теренски возила и подготвени мотоцикли со околу 500 возачи, овогодишното издание беше едно од најдобро организираните. Учесниците минаа над 80 километри планински патишта на Бистра.
„По шести пат се одржа најмасовниот адреналински оф роад кај нас ’Убавините на Бистра’. Турата стартуваше во осум часот наутро од Кичево, по поминати повеќе од 80 километри планински патишта експедициите се вратија во попладневните часови на местото од каде што стартуваа. Маршутата водеше од Кичево преку селото Извор до планината Лопушник и гробот на Коста Рацин. Најголемиот дел овој ’оф роад’ да се вози на планината Бистра, со неколку попатни точки кај Арапкуле, Црн камен и месноста Речиште. Немаше победени ниту поразени, туку сите што ја поминаа патеката можат да бидат горди на овој потфат“, изјави Никола Богданоски, секретар на АМК Кичево и организатор на овој оф роад.
Гостите од сите градови презадоволни го напуштија ова дружење и догодина закажаа уште помасовен собир на планината Бистра.
|