Поранешниот Ф1 возач и претседател на Асоцијацијата на ГП возачи (ГПДА), Александер Вурц вели дека со зголемената безбедност во спортот, Формула 1 може да си дозволи да ги направи болидите „многу побрзи“ за да се зголеми факторот на возбуда во спортот.
Австриецот вели дека би требало да се направи големо зголемување на потисната сила и забрзувањето, но дека тоа може да се направи само со уште поголемо намалување на ризикот за повреди.
„Да сум јас визионерот за Ф1, ќе ги направам болидите уште побезбедни, но потоа ќе ги направам многу, многу побрзи. Зборувам за многу побрзи болиди бидејќи можеме да имаме машини што одат 450 км/ч со многу повеќе потисна сила. Тогаш, кога болидите ќе бидат многу побезбеднио да се тркаме на најекстремнтие патеки“, вели Вурц.
Австриецот претходно лобираше за воведување на уредот ’Ореол’ за заштита на главата на возачите од 2017, но на крајот ФИА реши да го одложи ова до 2018 година. Тој додава дека со дополнителни мерки за безбедност ќе можат да се прочистат правилата кои го прават шампионатот неинтересен.
„Тој што седи дома и гледа Ф1 само треба да помисли - јас не би го направил ова, туку е само за најхрабрите и најталентираните. Другото не е важно. Тогаш и јас како фан се возбудувам. Ако болидите не се безбедни, директорот на трки мора да се грижи за возачите бидејќи не сака да оди во затвор ако се случи нешто. Ф1 секогаш ќе биде опасен спорт, но веќе не е толку опасно како пред 20 или 30 години“, додава Вурц.