.jpg)
Тото Волф е еден од најважните луѓе зад фантастичниот успех на Формула 1 тимот на Мерцедес така што е малку чудно што Австриецот кога имал шанса одбил да вози во спортот.
Покрај неговите бизнис-квалитети и менаџерски способности, Волф бил конкурентен во ГТ тркањето, освојувајќи ја трката 24 Часа Нирнбургринг во 1994 година. Тој се надевал дека еден ден ќе стигне до врвот на мотоспортот, и всушност имал отворена понуда за Ф1, коај самиот ја одбил.
„Откако победив во Нирнбургринг во 1994 година добив понуда да се тркам во Формула 1. Тогаш, еден од моите спонзори беше поддржувач и на Карл Вендлингер и кога тој беше сериозно повреден во Монако, ме прашаа дали би го сакал неговото место во Заубер“, вели Волф.
Сепак, тој решил да ја одбие понудата, и наместо тоа се фокусираше на своите бизнис квалитети кои му донесоа важна улога во Мерцедес.
„Тогаш веќе бев свесен дека нема да бидам успешен во Формула 1, и исто така бев малку превисок и малку претежок. Шансите беа против мене да бидам успешен тркач. Им кажав дека ќе ги потрошат залудно парите. Тогаш решив да не станам професионален возач. Тоа беше во мај 1994 година“, вели Волф.