Деветкратниот мотоциклистички шампион Валентино Роси вели дека сака да се натпреварува на легендарната трка „24 Часа Ле Ман“, но не жали за пропуштената можност да направи трансфер во Формула 1. 37-годишниот Роси лани го продолжи договорот со Јамаха до крајот на 2018 и оваа година повторно ќе се обиде да стигне до 10. титула вкупно или осма во Мото ГП класата.
„Една цел е да се оди на Дакар релито во иднина, но за таму мораш да бидеш многу добро подготвен. Би одел со автомобил, бидејќи мотоциклите се многу опасни. Повеќе сум концентриран на 24 Часа Ле Ман, бидејќи на патека се чувствувам многу подобро. Во 2006 имав шанса да бидам во Формула 1, но направив вистинска одлука и останав во Мото ГП и освоив уште две титули“, вели Роси.