Новиот извршен директор на Формула 1, Чејс Кери, изјави дека за Формула 1 е многу важно да ги заштити клучните трки во Европа. Превисоката цена на одржување ги тера промотерите да се селат на Истокот што се губи интересот во Европа, а тоа мора да се промени. Иднината на трката на Силверстон е под прашалник затоа што британскиот автомото клуб размислува за откажување поради финансиска неисплатливост. Новиот човек задолжен за организација верува дека историската трка ќе остане на календарот.
„Ќе имаме трка во Велика Британија. Темелот на овој спорт е западна Европа. Сакаме и тука да расте. Сакаме да изградиме здрав работен однос со промотерите. Ќе гледаме на сите начини да ги заштитиме култните трки и да ги направиме поинтересни и подобри. Сакаме патеките како Монако, Монца, Силверстон, Хокенхајм и Нирнбургринг да бидат дел од календарот. Мора да се одржува некаква традиција затоа што тие имаат вредност во Формула 1“, вели Кери за Би-Би-Си.