Македонија ја пишува својата спортска историја. Прв пат национална екипа застанува зад летечкиот Македонец , Игор Стефановски Иџе. Тој ќе се натпреварува во ФИА ЕТЦЦ Шампионатот 2017 за кружни патеки под регистрацијата Македонија.
Вечерва во Телеком иновативниот центар на Македонски Телеком во присуство на соработниците, медиумите и фановите на Иџе беше промовиран автомобилот со кој најуспешниот Македонец ќе ги брани боите на Македонија.
-Денес Македонија има прилика да го види возилото со кое ќе атакуваме на победа. Се работи за возило Сеат Леон, со спецификација TCR модел 2017,кој ќе биде достоен на конкуренцијата со која ќе се натпреварувам, изјави Стефановски.
Имајќи ги предвид досегашните достигнувања на Стефановски, Македонски Телеком го подржува во неговиот предизвик и годинава е спонзор на нашиот автомобилски шампион.