Трикратниот шампион во Формула 1 Луис Хамилтон смета дека почести промени на правилата се пожелни и создаваат поголема конкурентност меѓу тимовите и возачите. Хамилтон е познат како темпераментен возач, додава дека е задоволстово по победата е големо ако борбата на патеката е поголема.
„Колку борбата на патеката е поголема, толку и задоволството од победата е поголемо. Тоа е она за што ние, возачите, постојано се спремаме. Не можам да се сетам кога последен пат сме имале трогодишно затишје по кое следувала промена на правилата. Мислам дека тие интервалии би морале да се скратат затоа што би ни било добро повеќе промени. Тоа го велам затоа што често се случува да имате еден доминантен тим чија предност е тешко достижна. Постои одредена граница до која екипата може да се развие во текот на сезоната, а познато е дека најдобрите секогаш можат да се усовршуваат, мислам во текот на сезоната, до изедначено темпо. Но, ако уште на стартот се направи голема разлика тогаш е тешко таа празнина да се надомести затоа што постојат правила кои временски и инвестициски ги ограничуваат екипите по прашањето на годишниот развој. Драстичните промени ја зачинуваат целата приказна“, изјави Хамилтон, кој на првата овосезонска трка во Австралија заврши на второто место.
Шанса за првата победа ќе ја има на наредната трка на 9 април во Кина.