Во Телеком иновативниот центар на Македонски Телеком, се одржа прес конференција по повод маестралниот успех на Игор Стефановски Иџе на патеката Нирбургинг.
Победничка атмосфера во тимот АКК Стефановски. Маестралниот настап на двете трки во Нирбургринг ни овозможи нова национална спортска радост.
Феноменалниот трет викенд во ФИА ЕТЦЦ 2017, ја донесе историската победа на Игор Стефановски Иџе. Тој стаса до првата победа во шампионатот годинава, а успехот можеше да се насети уште во тренинзите кои им претходеа на двете трки во Нирбургринг. Иџе имаше фантастичен резултат и на двете трки. Го освои второто место во првата и првото место во втората трка. Овој двоен успех му донесе нови 18 поени со што успеа да се искачи нагоре во табелата во генералниот пласман.
Иџе сега има 33 поени, со што се најде на третата позиција во генералниот пласман. Повеќе од него имаат само Фулин кој со 43 е на второто место и Шрејбер со 44 поени, кој е прв на табелата. Разликата помеѓу тројката најдобри не е голема, посебно ако се има во вид дека до крајот на ФИА ЕТЦЦ шампионатот остануваат уште три трки.
АКК Стефановски изразува огромна благодарност до сите компании кои го препознаа и веднаш го поддржаа предизвикот националната екипа на Македонија на чело со Игор Стефановски Иџе да се бори за победи во ФИА ЕТЦЦ 2017. Меѓу нив се разбира се најде и Македонски Телеком, кој го подржува во неговиот предизвик и годинава е спонзор на нашиот автомобилски шампион.