Холивудската легенда Мајкл Даглас смета дека Фернандо Алонсо ќе замине во пензија на крајот од годината. Даглас е страстен следбеник на Ф1 и личен пријател на косопственикот на Мекларен, Мансур Оџех, а беше гостин на тимот во Монтреал минатиот викенд.
„Ми се допаѓа Фернандо бидејќи е фантастичен возач. Но, мислам дека ова е негова последна година. Не знам што ќе одлучи, но верувам дека ќе биде така. Жал ми е за Мекларен и за Хонда, бидејќи очекував многу од таа соработка. Особено ми е жал за Фернандо, еден од најдобрите во историјата“, вели Даглас.