Поранешниот шеф на Браун ГП и на Мерцедес, Ник Фрај, открива дека Фернандо Алонсо одбил шанса да му се приклучи на тимот на Хонда во 2008 година, со што пропуштил шанса да вози за шампионскиот Браун ГП во 2009. Со тоа, исто така, пропушти да го „гради“ тимот на Мерцедес, откако германската компанија го откупи тимот.
„Алонсо требаше да вози за Ник Фрај и за Рос Браун во 2009 година. Да се случеше тоа, денеска ќе беше најмалку четирикратен светски шампион. Алонсо може да е еден од ’загубените таленти’ во светот на Формула 1. Да направеше некои подобри одлуки, сега ќе беше легенда“, вели Фрај.
По конфликтната сезона 2007 во Мекларен, Алонсо беше на „пазарот“ пред сезоната 2008 и реши да се врати во Рено, тимот со кој освои титули во 2005 и во 2006 година. Во 2008 година, Браун се обидуваше да го направи тимот на Хонда во шампион и Алонсо беше прв возач на листата. Уште тогаш Браун призна дека го цени талентот на Алонсо.
„Чекаме на негова одлука. Според мене, тој е најдобриот во моментов поради искуството и способноста. Има тројца возачи кои се брзи - Луис Хамилтон, Кими Раиконен и Фернандо“, изјави Браун во 2008 година.
Алонсо, кој тогаш беше менаџиран од шефот на Рено, ја отфрли оваа понуда и реши да остане во Рено до 2009 година, пред да направи голем трансфер во Ферари. Таму помина пет години борејќи се за титулата, пред пред три години да реши да се врати во Мекларен со големи надежи во новото партнерство во Хонда.