Михаел Шумахер покажува мали знаци на напредок. Во неколку кратки моменти тој бил буден и свесен, изјави вчера портпаролката на семејството во гостувањето на телевизијата ARD.
Три и пол месеци поминаа откако Михаел Шумахер имаше несреќа, при што во еден период се чинеше дека седумкратниот првак во Формула 1 нема да се разбуди од кома. За среќа, последните неколку недели од болницата во Гренобл пристигнуваат добри вести, а најдобрите до сега ги сподели токму портпаролката на семејството.
- Мајкл покажува малку знаци на напредок. Во неколку кратки моменти тој беше буден и свесен. Се разбира, јас не сум доктор, но постои разлика помеѓу состојба на будност и состојба на свесност која значи интеракција со околината. Семејството не сака да ги открива сите детали, но актерите се експерти и нема сомнеж во нивната способност, изјави Сабина Кехм.
Таа додаде дека семејството повеќе нема да споделува јавно вести, туку сето тоа ќе остане приватна работа, доколку Шумахер се пресели во клиника за рехабилитација.
Михаел не може да одлучува што ќе се известува за него, но знаеме како се носеше со медиумите претходно и така ќе се обидеме да биде и во иднина, вели таа.