Сопругата на седумкратниот шампион Михаел Шумахер, Корина, имаше лична порака до фановите на Германското ГП во кое вели дека најтешкото време за нејзиниот сопруг е во минатото
Корина во пораката се заблагодарува на Ф1 фановите за големата поддршка која легендата ја имаше по падот на скијањето на крајот на минатата година.
45-годишниот Шумахер доби сериозни повреди на главата и беше во кома шест месеци, по што беше пуштен во болницата во Гренобл во јуни, но можноста за целосно заздравување е речиси невозможна.
„Ова е порака до сите кои со страст ја следеа спортската кариера на Михаел, и кои го поддржувавте последните седум месеци надвор од патеката. Германското ГП е совршена шанса да ви се заблагодарам за пораките и за позитивната енергија. Добро е да се знае дека заедно го поминавме најтешкото време. Сега нè очекува долга фаза на заздравувањеи верувам дека вие ќе бидете наш сојузник во борбата. Дотогаш би сакала да ви посакам сè најдобро“, пишува Корина Шумахер.