Германскиот возач Нико Розберг (Мерцедес) е победник на денешната трка од Шампионатот во Формула 1 возена во Хокенхајм.
Втората позиција му припадна на Валтери Ботас (Вилијамс), додека Луис Хамилтон (Мерцедес), кој стартуваше од позицијата број 20 успеа да стигне до подиумот завршувајќи ги 67.те круга на 3.место.
Бодови на трката за Големата награда на Германија освоија и возачите пласирани од четвртото до десеттото место: Себастијан Фетел, Фернандо Алонсо, Даниел Рикиардо, Нико Хулкенберг, Џенсон Батон, Кевин Магнусен и Серхио Перез.
Веднаш по стартот на трката незгода имаше Фелипе Маса кој по судирот со Магнусен се преврти, но мина без повреди.
Денешната победа за Розберг беше петта сезонава. Тој во генералниот пласман води со 190 бодови, пред Хамилтон со 176 и Рикиардо со 106 освоени бодови.
Кај конструкторите лидер е Мерцедес со 366 бодови, втор е ред Бул со 188.
Следната трка во Ф1 ќе се вози по седум дена на „Хунгароринг“ во Будимпешта.