Трикратниот светски шампион во Формула 1 Ники Лауда го истури гневот врз тимовите на Мекларен и Ферари. Според Австриецот, причината за вкупниот неуспех на двата легендарни тимови не е во промената на правилата и новите турбо мотори туку во самите нив. Лауда додаде дека Мекларен ги користат истите турбо мотори како и доминантниот Мерцедес, но резултатите изостануваат од друга причина.
„Мекларен ги користат истите мотори, со кои Мерцедес ја освојува секоја трка. Причината за неуспесите е тоа што болидот им е ѓубре“, изјави Лауда без влакна на јазикот.
„Кај Ферари убеден сум дека моторот е на топ ниво, но и нивниот болид е ѓубре“, дополни Лауда.