Британскиот возач на Мерцедес Луис Хамилтон почна преговори со својот тим Мерцедес за нов тригодишен договор кој, според неофицијални информации, вреди околу 70 милиони фунти. Шефот на Мерцедес, Тото Волф, откри дека двете страни го разгледуваат сегашниот договор на Хамилтон кој го потпиша минатата година и има уште 18 месеци до истекот на истиот.
Хамилтон е на второто место на листата на најплатени возачи во формула 1, зад Фернандо Алонсо, но според „Мирор“ ако го потпише новиот договор ќе заработува неверојатни 23 милиони фунти за една година или четири повеќе од сумата што ја добиваше со претходниот договор.
Претходно Мерцедес препотпиша мултимилионски договор со другиот возач и лидер во шампионатот Нико Розберг до 2016 година, а Мерцедес сака да ја продолжи соработката со Хамилтон на две плус една односно до 2017 година со опција за продолжување до 2018 година.