Единствениот жив син на Енцо Ферари, Пјеро, сака Фернандо Алонсо да остане во тимот од Маранело до крајот на Ф1 кариерата.
Шпанецот, кого многумина го оценуваат како најдобриот актуелен возач во Формула 1, е под договор со Ферари меѓутоа е поврзуван со трансфер во некој од ривалските тимови, најверојатно Мекларен, кој следната година започнува партнерство со Ферари.
„Искрено, се надевевам Алонсо да остане во Маранело до крајот на кариерата. Не ги следам гласините околу пазарот. Не сум одговорниот за преговорите, туку зборувам за вредноста како возач. Сметам дека тој е вистинскиот човек за нашите надежи. Потоа, треба да му дадеме нему и на Кими вистински болид“, вели Пјеро Ферари.
Слично како и повеќето високи официјални лица во Скудерија и Ферари беше критичен кон новите регулативи во Ф1, но инсистира дека тоа не треба да се користи како изговор за 2014 година.
„Помеѓу многуте глупости во модерната Формула 1 го имаме правото со кое мора да се затворат тимовите во август. Мојот татко ќе се врти во гробот – тој никогаш не одеше на одмор и секогаш беше во канцелариите во средината на август“, додава 69-годишниот Ферари.