Рос Браун ги отфрли сите шпекулации дека е можен кам-бек на позицијата шеф на Ферари по заминувањето на претседателот Лука ди Монтеѕемоло, човекот кој го донесе во Скудерија
Браун до минатата година беше шеф на тимот на Мерцедес, но во моментов ужива во пензијата, во која патува со пријателите и ужива во риболовот.
„Оваа година живеам многу поинаков живот и чувството е одлично. Решен сум да не се вратам на постојано работно место“, вели Браун во интервју за германскиот магазин „Ауто мотор унд спорт“.
Пред неколку дена шефот на Ферари, Марко Матијачи изјави дека уживал во краткиот состанок со Браун при неговата приватна посета во Маранело.
„Во моментов немам улога во Ферари, ни на кое било друго место. Мојата посета на Маранело во мај беше целосно приватна. Разговаравме кратко, но ништо сериозни. Оттогаш нема разговори бидејќи не размислувам во таа насока“, додава Браун.