Иднината на Формула 1 тимот на Катерхам станува сè понеизвесна откако „стечајниот управник“ на Катерхам Спортс Лимитет (ЦСЛ), официјално снабдувач на тимот, не им дозволи влез на вработените на тимот во седиштето во Лифилд, Англија.
Катерхам сега ги очекува битка да бидат присутни на следната Формула 1 трка во Тексас бидејќи болидите треба да заминат в сабота за трката, која се оддржува следната недела.
Преговорите меѓу сегашниот менаџмент и доверителите кои го водат снабдувачот на Ф1 тимот, Катерхам Спортс Лимитет (ЦСЛ) продолжуваат, иако доверителите не сакаат да ги слушнат понудите на „1МРТ“ компанијата, која го води тимот.
КОЈ Е ВИНОВЕН?Менаџментот на Катерхам во средата извести дека може да се откаже од тимот поради фрустрациите со постапките на поранешниот сопственик Тони Фернандес, кој наводно не ги префрлил акциите во тимот, што значи дека сè уште е официјален сопственик.
Фернандес официјално одговори преку неговиот Твитер акаунт: „Ако купувате нешто, тогаш треба да платите за тоа. Толку е едноставно“. Според него, новите сопственици, „Енгавест СА“ не ги исполниле условите кои беа договорени кога го купија тимот во јуни.
„Во јуни 2014 решив заедно со другите акционери да го продадам делот од Катерхам Ф1 и во добра волја се решивме за швајцарската компанија ’Енгавест’, која требаше веднаш да ги исплати сите долгови вклучувајќи ги тие кон вработените“, вели Фернандес.