Возачот на Мерцедес, Нико Розберг победи на ГН во Бразил, во претпоследната трка од годинашниот шампионат во Формула 1, и така го направи шампионатот неизвесен пред последната трка.
Розберг денес ја оствари петтата победа оваа сезона. Tој ја заврши трката со една секунда предност во однос на Хамилтон, додека трет беше Фелипе Маса.
На последната трка оваа сезона победникот ќе добие двојно повеќе бодови, така што во игра се 50 бодови.
Во генералниот пласман води Хамилтон со 334 бодови, Розберг има 317, а Даниел Рикардо 214, додека светскиот првак Себастијан Фетел има 159.