В недела, во Абу Даби ќе се одлучува кој ќе биде шампионот во Формула 1 за 2014 година, а во игра се само двајца возачи, колегите од Мерцедес, Луис Хамилтон и Нико Розберг. Нивното ривалство оваа година неколкупати излезе од нормалата, како во Белгија, кога Розберг го удри Хамилтон и доби интерна казна за потегот.
Сега на Хамилтон му е доволно второ место, додека Розберг мора да победи и колегата да биде барем трети. Пред викендот двајцата се надеваат на „фер-борба“, но ракувањето покажа дека односите на двајцата возачи кои се знаат од картинг деновите остануваат „студени“.
„Не сме деца и треба да знаеме што е погрешно, а што е исправно“, изјави Хамилтон на прес-конференцијата.
Розберг му врати: „Луис може да направи нешто за борбат да биде чиста“.