Главниот креатор на болидите на Ред Бул, со кој тимот доминираше од 2009 до 2013, Адријан Њуи имал договорено сензационален трансфер во Ферари оваа година, но решил да остане со компанијата откако веста се појавила во медиумите.
Во јуни, Ред Бул објавија дека Њуи, сигурно најпознатиот инженер во Ф1, нема веќе да го предводи тимот и наместо тоа ќе работи на други проекти, еден од нив едриличарскиот напад на Американскиот куп. Сега се појавуваат вести дека бил многу, многу блиску до Скудерија.
55-годишниот Њуи наводно веќе се договорил со сега заминатиот претседател Лука ди Монтеѕемоло за трансфер во 2015, но договорот бил „пуштен“ во италијанскиот печат и Њуи го сметал тоа како знак дека во Ферари има премногу политика и го информирал Монтеѕемоло дека нема договор.