Хокенхајм ќе биде домаќин на Германското ГП во јули, наместо Нирнбургринг според распоредот, потврди Ф1 шефот, Берни Еклстоун.
„Ќе одиме во Хокенхајм, и преговорите се веќе во тек. Не може да биде Нирнбургринг бидејќи таму нема никој“, вели 84-годишниот Британец.
Хокенхајм лани беше домаќин на германската трка според договорот за поделба со Нирнбургринг, историската патека за шампионите Мерцедес, која сега има нов сопственик. Календарот за 2015 од 20 трки не посочува каде ќе се оддржи трката.
Еклстоун двапати се обиде да ја купи патеката Нирнбургринг минатата година, и сега вели дека воопшто не разговарал со Нирнбургринг.
„Сакавме да го купиме Нирнбургринг, направивме понуда и некој не победи за неколку долари и ја купи. И тогаш не можеа да платат и повторно дојде до продажба. Јас кажав дека сум заинтересиран, но тие повторно најдоа некој друг. Не знам што се случува“, додава Еклстоун.