Мерцедес ќе го промовираат својот нов болид за 2015 година на првиот ден од зимското тестирање во Херез на 1 февруари, објавија од „Сребрената стрела“.
Болидот на двократните актуелни шампиони со кодно име „Ф1 В06 Хибрид“ ќе се појави пред стартот на акцијата во Шпанија, со Нико Розберг како прв зад воланот. Следниот ден ќе биде ред на актуелниот шампион Луис Хамилтон.
„Додека минатата година се подготвувавме за целосно нова формула, сега пред нас е предизвикот да се направи следниот чекор во нашиот развој. Знаеме дека зимата ја почнавме со цел на грбот и дека нашите ривали ќе се обидат да не победат од првата трка, затоа не смее да се потцени нашата задача. Сите во Брекли, Бриксворт и Штутгарт работеа напорно за да се конструира новата ’Сребрена стрела’“, вели шефот на тимот, Тото Волф.