Мекларен потврдија дека Фернандо Алонсо ќе биде првиот возач кој ќе го вози новиот МП4/30 со мотори на Хонда на тестот во Херез од 1 до 4 февруари. Алонсо треба да вози на првиот и третиот ден од тестот, додека Џенсон Батон ги пополнува вториот и четвртиот ден.
Мекларен-Хонда МП4/30 ќе биде откриен неделата пред тестот со он-лајн старт на 20 јануари. Во меѓувреме, Алонсо, кој се враќа во Мекларен по долгиот период во Ферари, со кои помина пет фрустрирачки години во кои не освоија титула. Сепак, тој не очекува победнички кам-бек, барем не во 2015.
„Ќе биде многу тешко да се победи во 2015 година. Мојата цел е да научам, да помогнам и да бидам среќен. Долгорочната желба е да се победува“, вели Алонсо.
Хонда освоија четири титули со Мекларен со Аиртон Сена и Алан Прост од 1988 до 1991 година, и четири титули кај конструкторите. Партнерството во 1988 беше најдоминантното во историјата на спортот, кога Сена и Прост освоија 15 од 16 трки на календарот.