Себастијан Фетел очекува тројна битка за второто место бидејќи Мерцеде сè уште се „многу“ напред пред конкуренцијата на помалку од две недели од стартот на сезоната.
На минатонеделниот тест во Барселона, Мерцедес конечно ја покажаа силата откако Нико Розберг постави 1:22.792 круг на патеката Каталуња, убедливо најдобро време на тестот. Фетел имаше најдобар круг од 1:23.469, и верува дека Мерцедес сè уште се многу напред.
„Тешко е да се каже сега бидејќи за две недели ќе дознаеме сè, меѓутоа јасно е дека Мерцедес е далеку напред. Тешко е да се каже и кој е зад нив, меѓутоа најверојатно се работи за тесна битка меѓу Вилијамс, Ред Бул и нас“, вели Фетел.
Кога го „притиснаа“ да даде појасен одговор за стартните три реда на Австралиското ГП, Фетел беше поспецифичен.
„Првите две места се јасни, и ако немаат проблеми, тоа ќе биде Мерцедес. Потоа се надевам двете Ферарија, а за по нас навистина не ми е грижа“, вели Фетел.