Рубенс Барикело вели дека неговиот поранешен колега од Ферари, Михаел Шумахер треба да е само шесткратен светски шампион бидејќи една од седумте титули му припаѓа на Бразилецот.
Барикело и Шумахер беа колеги во Ферари од 2000 до 2005 година, период во кој Германецот стигна до пет последователни титули. Меѓутоа, во тој период, шефот на тимот Жан Тод имаше јасна политика на „возач број 1“ за Шумахер, што донесе неколку контроверзни тимски наредби.
„Од седумте титули на Шумахер, една треба да е моја. Немаше да го пуштам во Австрија, меѓутоа добив порака од Ферари која ме замисли. Затоа го пуштив. Не ми пречи кога зборуваат дека сум лош возач, но кога ќе зборуваат за моето семејство тоа не можам да го прифатам“, вели 42-годишниот Бразилец.