Луис Хамилтон најави дека е многу блиску до комплетирање на еден од најбогатите договор во Формула 1 пред Малезиското ГП во Сепанг.
Светскиот шампион на Мерцедес подолго време преговара со германскиот тим, и сега се верува дека 30-годишниот Британец ќе добие дури 90 милиони фунти за следните три години. Само Себастијан Фетел, кој лани доби 35 милиони фунти по година во Ферари би бил поскап возач од Хамилтон.
„Договорот сега ’шета’ кај адвокатите, така што се надевам дека сè ќе биде завршено пред викендот. Тоа би било одлично, но и да не се случи не се брзаме“, изјави Хамилтон.
Се верува дека Мерцедес сакаат да го обврзат својот возач на пет години, но поради неизвесностите на спорт како Формула 1 и нејасноста околу иднината на В6 турбо моторите, се согласиле и на помал договор. Договорот би бил на две години и уште една условна. Ферари веќе двапати имале контакт со Хамилтон во обид да го донесат во тимот.