Пилотот на Ферари, Кими Раиконен важи за возач кој успеал најмногупати да се искачи на подиумот по трките за ГН на Бахреин. Трката се одржува од 2004 година, а првиот победник беше Михаел Шумахер.
Раиконен иако има најмногу пласмани на подиумот, сепак, нема ниту една победа, а со оглед на тоа дека во моментов тешко може да се надева на триумф веројатно и по оваа трка ќе остане на иста позиција.
Најмногу победи во Бахреин има Фернандо Алонсо. Тој дури трипати успевал на крајот од трката да се радува така што се надева дека в недела, конечно, ќе ги сврти работите во своја корист и ќе биде далеку подобро во продолжение од сезоната.
Што се однесува до другите возачи, по две победи имаат Фелипе Маса и Себастијан Фетел, додека Џенсон Батон и Луис Хамилтон по еднаш успевале да се искачат на највисокото место на пиедесталот.
Денеска ќе се види чиј болид е најдобро подготвен на првите тренинзи, но сите очекувања се дека Луис Хамилтон и Нико Розберг ќе бидат во трка за победата. Себастијан Фетел засега се гледа како единствен конкурент за нив.
АЛОНСО НАЈГОЛЕМ РИВАЛ ЗА ФЕТЕЛ
Првиот возач на Ферери, Себастијан Фетел вели дека Фернандо Алонсо секога му задавал проблеми и бил возачот против кого му било најтешко да вози на патеката.
Во моментов вели и дека одлично се разбира со Раиконен така што успеваат заедно да бележат добри резултати.
„Во 2010 и 2012 година имаше жестока борба. Во последните две години исто така имавме многу силни трки. Луис Хамилтон? За него слушнав уште додека возеше картинг. Нашето ривалство е вистинско задоволство“, вели Фетел.