Сопругата на Михаел Шумахер, Корина, според германските медиуми, го продаде неговиот 40 милиони евра вреден приватен авион и домот во Норвешка откако прифатила дека тој нема да заздрави доволно од повредата на мозокот за повторно да лета.
Покрај тоа, најверојатно во следните месеци на продажба ќе оди и скијачкиот дом во Мерибел, каде што во декември 2013 година Шумахер падна на карпа при скијање и ја повреди главата. 47-годишниот седумкратен Ф1 шампион останува во неговиот дом во Швајцарија каде што со него има тим доктори и болничарки. Според неговиот менаџер Сабине Кем, неговата состојба е „малку подобрена“.
