Луис Хамилтон вели дека сè уште не може да сфати дека е блиску да го стигне својот идол, Аиртон Сена по бројот на победи и титули, нешто што може да се случи оваа сезона.
Возачот на Мерцедес пред Монако ГП трката следниот викенд, каде што тој и Сена завршија втори во своето деби, се надева на својата 37. победа, со што ќе биде поблиску до 41. победа на Сена.
„Кога почнав да го гледам Аирон, тој беше возачот кој ми значеше сè и ме донесе во спортот. Лудо е да се помисли дека по сите тие години, во кои се сеќавам кога ја гледав првата Ф1 трка, дека ќе бидам блиску до него“, вели Хамилтон.
Иако е блиску до трите титули на Сена, Хамилтон не сака да размислува дека овогодишната круна е блиску.
„Уште е далеку да се зборува за трета титула, иако тоа е главната цел. Секогаш сум велел дека сакам да го повторам тоа што го направи Аиртон, така што само што сум блиску до него е неверојатно“, додава асот на Мерцедес
АИРТОН СЕНА: 3 титули, 162 трки, 41 победа, 80 подиуми, 65 пол-позиции, 19 најбрзи кругови
ЛУИС ХАМИЛТОН: 2 титули, 153 трки, 36 победи, 75 подиуми, 42 пол-позиции, 23 најбрзи кругови