|
 |
Спорт / ОИ 2008
"Олимпијадата ја потврдува трансформацијата на Кина"
 На четири дена пред Свеченото Отварарање, претседателот на Интернационалниот Олимписки Комитет (ИОЦ), Жак Рог вели дека Олимпијадата во Пекинг ќе биде историска, потврдувајќи ја кинеската трансформација на светско ниво.
При говорот на отварањето на Олимпиското тело, Рог не сакаше да ги посочи темите кои ја преокупираат јавноста на Западот, како човековите права, загадувањето на воздухот и слободата на медиумите. Пред кинескиот претседател Ху Џинтао, Рог посочи само на "некои предизвици" кои се пред Кина.
"Сега сме на неколку дена пред според мене историските Олимписки Игри. Кинеската улога како олимписки домаќин отвори прозорец кон најнаселената земја на светот", изјави Рог на 120. генерално собрание на ИОЦ.
Рог вели дека ова се "историски" моменти за олимпиското движење, бидејќи Олимпијадата се оддржува во земја со скоро 20% од светското население. Се очекува повеќе од милијарда ТВ гледачи да го гледаат Свеченото Отварање во петок.
"Сигурен сум дека Игрите ќе остават многу за Кина. Кина е нација во транзиција со одлична иднина, неверојатен потенцијал и неколку предизвици. Верувам дека историјата ќе погледне на ОИ во 2008 како значајна случка во трансформацијата на Кина", додаде Рог.
Рог посочи дека Игрите ќе имаат рекордни 205 олимписки тима, додека жените ќе бидат околу 45% од 10.500 спортисти. Белгиецот исто така изјави дека има "историски напредок" во борбата против допингот со повеќе тестови од било кога во историјата.
Во неговиот говор, кинескиот претседател изјави дека спортот направил голем придонес во брзата модернизација на Кина.
"Наша надеж е дека преку Олимпијадата можеме да ја покажеме искрената надеж на кинескиот народ да го подели развојот и да се приклучи на светот кон градење на светла иднина", вели Џинтао.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|