|
 |
Спорт / ОИ 2008
Манаду ужива во анонимноста, Фелпс вели дека нема притисок
 Малкумина ја препознаваат француската пливачка Лор Манаду во Пекинг, и таа вели дека тоа и се допаѓа. Откако стана олимписка шампионка на 400 слободно во Пекинг во 2004, Манаду ретко кога беше далеку од очите на јавноста бидејќи успесите во базените паѓаа во сенка на личните драми.
"Добро е да си невидлив. Сега не сум фаворитка туку тоа е Федерика Пелегрини, која е светска рекордерка. Кога влегувам во базенот не ме бараат сите мене", вели Манаду.
Нејзиниот комплициран љубовен живот (таа го загуби и своето момче, италијанскиот пливач Лука Марин од Пелегрини) беше на насловните страници во Франција во поголемиот дел од 2007, година во која "избега" во Италија за да се врати дома и да смени двајца тренери.
"Повеќе работи ми се случија лани отколку во трите години по олимписката титула. Веќе навистина не се чувствувам како актуелна шампионка. Четири години се многу време", додава Манаду.
Перформансите на Манаду во Франција паднаа во сенка на машките пливачи во слободен стил, предводени од Алан Бернар, со што Французите се први фаворити за 4х100 метри штафетата.
Пред Олимпијадата, Манаду доживеа удар со поразот на 400 метри на националниот шампионат од младата Корали Балми, а нејзините фотографии во солзи беа само знак за падот.
"Тој шампионат ми направи многу добри нешта. Го намали притисокот и покажа на другите Французинки дека можат да пливаат добро", вели Манаду, која ќе плива на 400 слободно и на 100 и 200 метри грбно.
ФЕЛПС СМИРЕН И ПО СИТЕ ПРИТИСОЦИ
Шоуто на Мајкл Фелпс почна во средата, кога американската пливачка ѕвезда се појави пред еден куп новинари. Фелпс, кој беше заедно со 41-годишната колешка од тимот Дара Торес и тренерот Боб Боуман, почна со намалување на значење на неговиот напад на рекордот на Марк Шпиц од седум олимписки злата на една Олимпијада.
"Вие го зборувате тоа, јас не сум кажал ништо. Јас само ќе продолжам да се подготвувам за да бидам најбрз што можам. Никогаш не сум кажал ништо за рушење на ниту еден рекорд. Моите цели никој не ги објави", вели 23-годишниот Фелпс, кој ќе плива во пет индивидуални трки и три штафети.
Но, понудата на Спидо од 1 милион $ за седум злата уште стои, и Фелпс го израмни тој магичен број од 7 на минатото СП. Фелпс е познат како натпреварувач кој мрази да губи и тоа што е рекордер во четири од петте индивидуални трки го поставува во фокусот по шесте злата во Атина.
"Мислам дека Мајкл е фантастичен пливач и ако некој стигне до тој рекорд, тоа е тој. Ќе имаме добра приказна во 9-те дена натпреварување. Ќе има многу луѓе кои ќе гледаат и ќе се надеваат да ја видат историјата", вели тренерот на австралискиот тим, Алан Томпсон.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|