|
 |
Спорт / ОИ 2008
Атина да ја остави политиката надвор од спортските терени
Скопје, 8 август (МИА) - Владата на Република Македонија апелира до Грција политиката да ја остави надвор од спортските терени, изјави попладнево вицепремиерот Ивица Боцевски во врска со грчките реакции поради употребата на термините Македонија и Македонец на Олимпијадата во Пекинг.
- Апелираме до нашиот јужен сосед да овозможи духот на олимпизмот и на спортскиот натпревар да си го најде своето место на Олимписките игри во Пекинг. Прашањата што ги имаме од билатерален карактер се решаваат низ многу добро познатите форуми и дијалог, рече Боцевски на прес-конференција во Владата.
Тој најави дека Република Макеоднија ќе ги преземе сите мерки кои и се на располагање за да го заштити дигнитетот и интегритетот на својата спортска делегација во Пекинг.
- Олимписките игри не се ниту време ниту место за политички надмудрувања и спорови. Името Македонец, Македонци, македонска делегација, е неприкосновено и ќе го браниме во секој поглед, посочи Боцевски.
Владата за ова прашање е во интензивна комуникација со кинеските власти, а Македонскиот олимписки комитет со Меѓународниот олимписки комитет.
Грчката Влада и националниот олимписки комитет денеска вложија официјален протест до Организацискиот комитет на Олимписките игри поради користењето на зборовите Македонија и Македонци при официјалното претставување на спортистите од Република Македонија, како и во текстови објавени на интернет страницата на Олимпијадата.
Ова е прв пат, покрај уставното име, Атина официјално да го оспорува и мекедонскиот идентитет. Според македонски владини претставници, тоа претставува отворена дискриминаторска политика, а фактот дека Грција реагира на името Македонија е потврда оти тоа е меѓународно прифатено.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|