Олимпискиот шампион Унгарија натпреварите на Игрите во Лондон ги заврши во четвртфиналето откако синоќа е „потопен“ од Италија со 11:9 и со тоа нема да има можност да го брани златниот медал освоен на претходните три Олимписки игри во Сиднеј 2000, во Атина 2004 и во Пекинг 2008 година.
Противник на Италија во полуфиналето ќе и биде селекцијата на Србија која е актуелен европски шампион. Србија во четвртфиналето ја победи Австралија со 11:8.
Во второто полуфинале ќе играат Хрватска и Црна Гора. Хрватска во четвртфиналето ја постигна најубедливата победа 8:2 против САД, а Црна Гора славеше над Шпанија со 11:9.