Јордан Јовчев е еден од репрезентативците на Бугарија во гимнастика на ЛОИ во Лондон оваа година. Тој е еден од ретките спортисти на Олимпијадата кои ја имаа честа да го носат знамето на својата држава на отворањето на ЛОИ, но таа чест не беше незаслужена.
Јордан е ветеран меѓу атлетичарите во Лондон бидејќи има 39 години и ова му е шесто учество на ЛОИ, рекорд во гимнастиката. Веќе има освоено вкупно четири медали од Олимписките игри, еден сребрен медал од ЛОИ во Атина и три бронзени медали од ЛОИ во Сиднеј и Атина.
Во 2009 година беше избран за претседател на Гимнастичката федерација на Бугарија, а во досегашната кариера има освоено златни медали на две Светски првенства и едно Европско првенство.
