Металург доби место во Лигата на шампионите, но му претстои долго лето во кое ќе треба да состави екипа која ќе биде конкурентна во ЛШ и во домашното првенство каде што ќе има неколку големи предизвици. Пласманот во ЛШ секако е вреден да се прослави, но далеку од славеничка атмосфера претставува погледот кон тимскиот ростер.
Ракометарите кои лани го напуштија тимот деновиве се растрчани по адвокати и судници и наскоро и ќе биде официјализирано дека по судски пат ќе ја бараат правдата.
Екипата извесно ќе ја напуштат Никола Митревски (Бенфика) и Гоце Ојлески (Одорхеи), заминаа инстантните засилувања Вргоч, Ефендиќ и Голубовиќ, но тешко дека тука и ќе заврши одливот. Металург ќе види мака да ги задржи и помладите играчи.
Неофицијално дознавме дека Мартин Манасков веќе побарал раскин на договорот со Металург и дека деновиве комисија на РФМ би требало да го разгледува овој случај.