Полека стивнуваат импресиите од ждрепката за јануарското ЕП, а морето и плажата се во прв план, далеку пред јануарските студови кои ги очекуваат учесниците на ЕП во Полска, а кои во просек во јануари во Полска се минус два целизиусови.
Во исчекување на некој задоцнет трансфер и одредување на носителите во групната фаза од Лигата на шампионите, се чешлаат уште еднаш фактите, се вкрстуваат статистики за да се „ископа“ нешто што би било интересно за публиката.
Таков еден факт доаѓа од Полска. Земјата домаќин и противник на Македонија во прелиминарниот дел (второ коло) од шампионатот.
Настрана нивните најави дека е дојдено време да ја победат Франција, традицијата, односно статистиката не им оди во прилог. Воопшто не им оди во прилог.
Имено, Полска досега на ЕП нема победено ниту еден од противниците со кои ќе се сретне во Краков. Со Франција и Србија имаат играно на ЕП Данска, со Македонија и Србија на ЕП во Белград и така натаму. Статистиката им покажа дека досега одиграле осум натпревари со Франција, Македонија и Србија и загубиле на сите осум. Настрана фактот што со Македонија играле и на СП и нормално, загубиле.