Минатогодишната финалистка Јуџини Бушар вети дека ќе излезе на терените на Вимблдон ако треба и со „една нога“ откако поради болки во стомакот се повлече од мечот во Истбурн во средата. Канаѓанката вели дека не постојат шанси да го пропушти Вимблдон откако се повлече при 6:4/3:0 негатива од Швајцарката Белинда Бенчич, со што има 11 порази во последните 13 меча во период од три месеци.
„Ќе играм без разлика на повредите, ако треба на една нога. Сега ќе се одморам неколку дена и ќе паузирам, па потоа ќе видиме“, вели Бушар.