Одбојкарите на Македонија ја забележаа третата победа во годинашното издание од Европската лига и прва во дуелите со Данска, репрезентација која вчера славеше во Скопје.
До денешната победа од 3-1 македонските одбојкари стигнаа со убедливи 25:16 во првиот и 25:18 во третиот сет, Данците беа подобри во вториот со 25:22, а во четвртиот Македонците на разлика беа поуспешни со 26:24.
Во последниот сет при резултат 24:23 за момент снема струја во СЦ „Борис Трајковски“ по што следуваше десетминутен прекин кој за среќа не се одрази лошо на домашните одбојкари.
На првиот денешен натпревар Естонија ја победи Австрија со 3-2.
Токму Австрија следниот викенд е противник на Македонија на нови два натпревари и повторно на домашен терен.
Табела А-група по шест одиграни рунди:
1.Естонија 17 бодови,
2.Полска 10,
3.Македонија 10,
4.Австрија 9,
5.Данска 5,
6.Израел 3.