Малкумина веруваа дека против фаворизираната репрезентација на Русија, македонските млади ракометарки на крајот од мечот на ЕП ќе ја имаат победата во рацете. Ги делеа секунди, но, на крајот примивме гол. Ремито, 26-26, за младите ракометарки е многу повеќе од „еден бод", кој ќе им донесе и поголема самодоверба во следните натпревари за пласман од 9-16 место, пренесува Спортмедиа.
- Возбуден сум после ваков натпревар. Одигравме добро. Горд сум на моите ракометарки како играат. Верувам дека на следните натпревари повторно ќе бидеме на скалило повисоко со формата, и ќе играме уште подобро, изјави Симе Симовски, селекторот на младинската репрезентација на Македонија.
Македонија првпат игра на ЕП до 19 години, а само поради лошото второ полувреме на средбата со Германија, не успеавме да бидеме поблиску до втората фаза. Во Б групата во втората фаза одат Русија и Германија.
Нашите младинките ќе разигруваат за пласман од 9 - 16 место, и тоа против двете последни репрезентации од Група А: Србија и Хрватска. Прво играме со Србија, а потоа со Хрватска.