Искусната македонска интернационалка, Сара Стеваноска и следната сезона ќе настапува во турското првенство, на наместо во дресот на Бурса, што беше случај лани, сега таа се „пресели“ во тимот на Ушак.
Ракометарката која може да ги покрие позициите среден и лев бек стана особено интересна за турскиот тим, по одличните настапи за Бурса, па таа одлучи да го смени само клупскиот дрес, но не и познатата средина.
Стеваноска претходно настапуваше за српскиот тим Јагодина, а на домашната сцена публиката ја знае како ракометарка на Вардар и Жито Прилеп.