Женската младинска репрезентација го претрпе и вториот пораз на Европското првенство во Валенсија откако во првиот меч од И1 групата загуби од Србија, 28:21 (10:12) во разигрувањето за пласман од 9. до 16. место.
Македонија понуди две различни лица во двете полувремиња, особено катастрофално одигра во првите 15-минути од вториот дел и токму тоа беше и главната причина за пресвртот и победата на Србинките во балканското дерби на ЕП.
Сара Ристовска со 9 гола беше најдобриот стрелец во нашата селекција.
Македонија, утре во 17 часот, игра против Хрватска, што треба да дефинира дали ќе се бориме за пласман за повисока позиција или ќе бидеме во друштво на репрезентациите кои ќе се обидат да го избегнат фенерот на ЕП во Валенсија.