Левото крило на Вардар, Тимур Дибиров во новата сезона за место во тимот ќе се бори со македонскиот репрезентативец Дејан Манасков кој во летниот преоден рок одлучи да потпише за македонскиот првак.
- Сега сум среќен сум бидејќи екипата има на секоја позиција и по два одлични ракометари. Силната конкуренција е добра за тимот. Секој голем клуб работи вака. Ако сакаме доби резултати, ни треба и да имаме ротација на секоја позиција, вели Дибиров.
Рускиот интернационалец верува дека Вардар ќе биде посилен во новата сезона. Му се оствари желбата да дојде Барселона во Скопје во групната фаза од ЛШ, но не сака премногу да зборува за желбите, да прогнозира до каде ќе стигне Вардар.
- Вардар е доволно силен да ја победи Барселона. Претходните две сезони беа тешки за нас бидејќи не ја остваривме посакуваната цел. Можеби првата сезона и не беше толку, но, лани , сакавме и живееме само за тоа да стигнеме до Ф4. Беше разочарување за нас. Не сакам до крај на сезонава да зборувам за тоа, зашто тоа е голем притисок за нас, од навивачи, од управа. Ние сме играчи и тешко ни е кога нема нешто да оствариме, истакнува левото крило на „црвено-црните“.
Дибиров лани беше најдобриот стрелец на Вардар во Лигата на шампионите со 78 гола и беше во Топ-5.