Селекторот на македонската одбојкарска репрезентација Жарко Ристоски на денешната прес конференција рече дека неговите избраници ќе одат на две убедливи победи против Австрија со цел освојување на шест бода.
- Австрија е квалитетена репрезентација. Добро се познаваме особено што лани на стартот од Европската лига двапати ги победивме во Грац. Но, тие имаат прогрес со амбиции да стигант да освојат што е можно повеќе поени. Австрија има искусни играчи, а наша основна цел е да ги запреме нивните напаѓачи. Со евентуални две победи имаме шанси за второто место. Ние сме подготвени. Поразот од Данска не отрезни и се вративме посилни. Целта е јасна најпрвин да ја минеме Австрија и двата дена да постигнеме две победи, нагласи Ристоски.
Две победи без игубен бод посакува и капитенот на македонската репрезентација Никола Ѓоргиев.
- Ова е тежок период. Основна цел ни беше Ф4. Со промените што се случија, Полска како организатор е веќе учесник на завршниот турнир, па затоа сега треба да ги следиме и резултатите од другата група. Сепак наша цел е да имаме континуитет, затоа од голема важност се победите и шест бодови. Австрија е посилна од Данска и од Израел, но стилот на нивната игра повеќе ни одговара, потенцира Ѓоргиев.
Средбите со Австрија се играат во СЦ „Борис Трајковски“ в сабота на 1 август со почеток во 14 часот и во недела на 2 август со почеток во 19 часот.
Табела: Естонија со 17 бодови, Полска со 10, Македонија 10, Австрија 9, Данска 5, Израел 3.